Një konflikt brenda familjes ka degjeneruar në përdorimin e armëve të ftohta.
Policia e Durrësit njofton se ka arrestuar shtetasin Emiliano Begeja 25 vjeç, banues në Durrës, pasi ka plagosur vëllanë e tij.
“Begeja, më datë 19.02.2017, është konfliktuar për motive të dobëta me vëllain e tij, shtetasin A.B. 22 vjeç, banues në Durrës, duke e plagosur me mjet prerës, thikë në shpatull” njofton policia. Për pasojë, i dëmtuari ndodhet në Spitalin Rajonal Durrës nën kujdesin e mjekëve. Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale” Plagosja e lehtë me dashje”dhe ” Dhunë në familje” parashikuar në nenet 89 dhe 130/a të Kodit Penal.
