Mediat në Greqi publikuan fotografi të kamionit të ngarkuar me më shumë se një ton drogë, i cili u kap para disa ditësh në Kakavijë.
Sakaq në njoftimin e Autoritetit të të Ardhurave Publike që u publikua në hënën në mesditë, shkruhet ndër të tjera:
“Të enjten, 16.02.2017, ora 20:20, një maune me targa shqiptare, leje ndërkombëtare qarkullimi dhe drejtues një shqiptar, tentoi të kalonte kufirin greko-shqiptar, me destinacion Greqinë.
Gjatë ushtrimit të kontrollit doganor u gjetën të ambalazhuara dhe të fshehura me kujdes në një vend të posaçëm në pjesën e parë të karrocerisë, 700 dengje me peshë të përgjithshme 1.147, 423 kilogramë lëndë narkotike, sipas gjasave kanabis i papërpunuar.
Lënda narkotike dhe automjeti u sekuestruan, ndërsa drejtuesi i mjetit iu shmang arrestimit. Është hartuar dosje penale dhe i është dhënë për ndjekje prokurorisë së Janinës”.
