Kryeministri i’a kushtoi dialogun e së dielës protestës së opozitës duke u munduar t’a relativizojë atë dhe të bëjë një ndarje artificiale mes krerëve të Partisë Demokratike dhe pjesmarësve të thjeshtë në mitingun pa fund.
Por pavarësisht se u përpoq të shtirej si shensionuar, pavarësisht se bëri rolin e atij për të cilin protesta mbetet e shenjtë, (duke përmendur krejtësisht pa modesti se e transmetoi LIVE edhe në llogarinë e tij në Facebook, njësoj si Berisha që përshëndeste protestuesit me dorë nga zyra e kryeministrisë), Rama u mundua ta manipulojë mesazhin e protestës.
Së pari ai hodhi idenë se kjo protestë po bëhej për të penguar vetingun dhe reformën në drejtësi. Një argument ky aq dalë boje dhe aq pa sens, sa para Ramës doli e tha edhe Taulant Balla. Sipas kësaj logjike PD-sw interesoka më shumë Reforma në drejtësi sesa gara që ka për mbijetesë, ajo e zgjedhjeve të 18 qershorit.
Së dyti Rama bëri një paralelizën të pa vend dhe shterp me 21 janarin. Ai tha se policia nuk pengon protestuesit të kryejnë misionin e tyre siç bënte Berisha 6 vite më parë. Por ky krahasim ishte kotë sepse protestuesit e 18 shkurtit nuk u sollën aspak si ata të 21 janarit që e goditën policinë me shkopij çadra dhe gurë. Kështu që çdo kundërvënie ndaj turmës këtë herë do të kishte qenë një karagjozllëk. Sesa korrekte do të jetë policia mund të shihet në ditët e ardhsheme, sëse aksioni PD-së, eskalon në akte dhune. Por deri të dielën pasdite kur foli Rama krahasimi ishte një manipulim.
Së treti Rama bëri të habiturin se si opozita kërkon garanci për zgjedhjet e lira sikur ne të jetokërkemi në një Eldorado, ku zgjedhjet nuk janë vjedhur kurrë. Jo më shumë se një ditë më parë Deutshe Welle, që nuk është një media e kazanit, njoftoi se në Bruksel janë të shqetësuar për zgjedhjet shqiptare. Edhe vetë ambasadori LU, që nuk mund të quhet armiqsor me Ramën, paralajmëroi për të fuqishëm që do të duan t’I manipulojnë zgjedhjet. Edhe garat e pjesshme që nga Korça deri në Dibër përforcojnë këto shqetësime. Do të mjaftonte vetëm fakti se opozita do të hyjë në këto zgjedhje me mediat më të mëdha në vend (Klan, Top, Vizion) të shndërruara në makineri poropogande të qeverisë, që gara elektorale mos quhej as e ndershme dhe as e barabartë.
Atëherë pse Rama bën të habiturin?
Sepse në fjalën e tij të dielën, kryeministrit në vend që të thoshte të vërtetën interesonte të ruante kartolinën e një vendi normal dhe të qetë, që po ia gris me shpejtësi radikalizimi opozitës. Pikërisht kjo e detyroi Ramën të manipulonte të dielën në Facebook. (Lapsi.al)
