Raportohet se gjatë ditës ka qenë ambasadori italian në Tiranë ai që ka vizituar çadrën ku prej 3 ditësh po zhvillohet protesta e opozitës para zyrës së Ramës.
Ambasadori italian Alberto Cutillo mësohet se qëndroi për disa minuta në çadrën ku po qëndrojne protestuesit. Ai shprehu mbështetje për protestën, gjatë komunikimin që pati me deputetin demokrat Oerd Bylykbashi dhe këshilltarin e kryetarit Basha për sipërmarrjen, Roberto Caparrotta.
Sipas burimeve të SYRI.net ai është interesuar sëpari për qëllimin e protestës ndërsa ka vlerësuar zhvillimin e saj mënyrë paqësore. Pasi është njohur me arsyet e dhëna nga përfaqësuesit e PD-së, për rrezikun e manipulimit dhe blerjes së votave, ai e ka cilësuar këtë si një kauzë të drejtë ndërsa ka premtuar se do ta vizitojë sërish tendën ku po zhvillohet protesta.
