“Parlamenti ynë është në këtë çadër. S’do të ketë grevë urie në protest…Rama është një gënjështar i lindur. Protesta do të vazhdojë paqësore…”.
Ishin këto fjalët e deputetit demokrat, Arben Ristani, në një prononcim nga çadra e protestës e ngritur që nga dita e djeshme përballë zyrës së kryeministrit Rama në Tiranë.
Opozita po kërkon largimin e kryeministrit Rama në mënyrë që në vend të sigurohen zgjedhje të lira dhe të ndershme. Opozita e akuzon Ramën dhe qeverinë e tij si të korruptuar dhe të lidhur me krimin.
