Komisioneri për Zgjerim në Bashkimin Europian, Johanes Hahn i është përgjigjur ministrave të LSI, Vasili dhe Gjosha.
Vasili dhe Gjosha më herët shprehën shqetësimin se Bordi i menaxhimit të Operacionit Ndërkombëtar të Monitorimit ishhte jokushtetues dhe në kundërshtim me ligjin.
Ministri Vasili u dërgoi një letër disa prej krerëve më të rëndësishmë të shtetit për këtë çeshtje, ndërsa Gjoshaji i ka dërguar lëtër komisionerit Hahn për këtë arsye, duke u shprehur se znj. Cavalera kishte anashkaluar institucionet kuçe të drejtësisë.
Por në përgjigjen e tij Hahn sqaron se kryetarja e Bordit të Monitorimit kishte dërguar një letër sekretarit të përgjithshëm të Kryeministrit, Engjëll Agaci ku detajonte profilet e gjyqtarëve dhe prokurorëve të BE-së dhe SHBA-së, pjesë e stafit të saj.
Hahn shprehet se Bordi nuk ëhstë një organ mbi OMN, por është pjesë e tij.
“Në të njëjtën letër zonja Calavera ka dhënë informacion të detajuar për të gjitha aspektet kryesore të organizimit të brendshëm administrativ të ONM-së, siç është rënë dakord ndërmjet shërbimeve të Komisionit Evropian në dhe Departamentit të Drejtësisë së Shteteve të Bashkuara të Amerikës.
Bordi nuk është një organ mbi OMN, por është një pjesë thelbësore e tij, duke garantuar vazhdimësinë administrative, koordinimin e aktorëve ndërkombëtarë të përfshirë në OMN, ndërvepron me autoritetet përkatëse vendas dhe mbikëqyr monitorimin, protagonistët e të cilit i cakton ky bord Drejtues” thotë Hahn.
Hahn shton gjithashtu se përveç letrës së Gjoshës që iu drejtua personalisht, letra e Vasilit iu përcoll nga ambasadorja e BE-së Romana Vlahutin.
Por duke pasur parasysh që Vetingu është kusht kyç për hapjen e negociatave dhe BE ka dhënë për këtë proces 10 milion euro, do të ishte mirë që qeveria shqiptare të ishte e unifikuar.
“Në këtë drejtim OMN luan një rol të rëndësishëm për kredibilitetin e të gjithë procesit të Vetingut dhe kam besim se Qeveria e Shqipërisë në tërësi ka të njëjtin kuptim të procesit të mësipërm dhe vazhdon të mbështesë përpjekjet e komunitetit ndërkombëtar” ka përfunduar ai.
