Policia po vazhdon hetimet dhe kontrollet në lidhje me grabitjen e 9 shkurtit në rrugë e Rinasit, ku autorët morën 3.2 milionë dollarë gjatë transportimit me makinë të blinduar.
Uniformat blu kanë gjetur një tjetër sasi parash të grabitura pasditen e sotme. Mësohet se një tenxhere me para është gjetur e groposur në Bathore pranë shtëpisë së Admir Çerpjas.
Ky i fundit është grabitësi pestë, i cili u arrestua dje në darkë në zonën e Dibrës gjatë një operacioni për kapjen e tij. Burimet thonë për Syri.net se pas marrjes në pyetje, Çerpja i dha policisë informacionin e saktë se ku i ka fshehur një pjesë të parave.
