Policia ka vënë në pranga Admir (Jetmir) Çerpja, një nga të shpallurit në kërkim për grabitjen spektakolare të ndodhur më 9 shkurt 2017 në rrugën e Rinasit, por edhe atë të 3 dhjetorit të 2015-ës.
Prej ditësh policia ndodhej në një operacion të gjerë për arrestimin e tij në Dibër. Ashtu sikundër policia po kërkon në aksione masive, autorin tjetër të grabitjeve, që konsiderohet edhe si “koka” e bandës, Admir Murataj.
Cerpja u arrestua në zonën e Dibrës dhe tashmë do të transferohet në ambjentet e Drejtorisë së Policisë së Tiranës.
Në pranga për grabitjet e bujshme të parave të bankave që transportoheshin me makina blind drejt aeroportit të Rinasit, janë Fatjon Xhyliu, Ditjon Memlika, Neim Avdyli, Ernest Kupa.
Vetëm ky i fundit nuk ka pranuar autorësinë, ndërsa prokuroria ka zbërthyer edhe rolet e tyre në grabitje.
