Për Majlinda Bregun, akuzat e bëra ditët e fundit ndaj ambasadorëve Donald Lu dhe Romana Vlahutin, janë filma me diversantë të cilave ajo nuk u beson.
Në një intervistë për “Zërin e Amerikës” deputetja demokrate tha se ambasadorët e huaj janë përfshirë në proceset e vendit, për shkak se ka qenë vetë politika shqiptare që i ka lejuar.
Dhe kjo për Bregun e ka një arsye, që është ajo e mosbesimit që partitë politike kanë ndaj njëra-tjetrës.
“Unë mendoj se ambasadorët e huaj janë shumë të përfshirë në çështjet tona se i kemi lënë ne, pasi kemi dyshime tek njeri-tjetri dhe mungesë konsensusi. Kjo i lë vend edhe hapësirë atyre. I kemi konsideruar gjithnjë si ndërmjetës për të na bërë të flasim me njëri-tjetrin. Pastaj këto filmat me diversantë dhe që na duan të keqen nuk i besoj”, tha Bregu
