Banda e grabitësve të parave të bankës në Qafë-Kashar ishte e përbërë nga 8 persona, e jo nga 6.
Lajmin e dha gazetari Artan Hoxha, i cili i referohet burimeve zyrtare të Policisë së Tiranës.
Siç raporton Hoxha përveç Admir (Jetmir) Çerpja dhe Admir Nikaj (Murataj), Policia e Tiranës ka shpallur sëfundmi në kërkim edhe dy vëllezër nga Tropoja, identiteti i të cilëve ende nuk bëhet i ditur.
Hoxha raporton se dy tropojanët janë pikërisht nipat e Admir Murataj (djemtë e motrës).
Teksa mësohet se janë pikërisht ata që furnizonin bandën me makina të vjedhur në Kosovë, të cilat pas modifikimeve i viheshin në dispozicion grupit për të kryer grabitjet e bankave.
Numri i personave të shpallur në kërkim nga policia për grabitjen e 3.2 milionë dollarëve në Qafë-Kashar, shkon në 4.
