Të gjithë personat që mbaheshin të shoqëruar si të dyshuar, apo si persona që mund të kishin dijeni për grabitjen e ndodhur të enjten në rrugën e Rinasit, janë lënë të lirë nga policia e kryeqytetit.
Vetëm një person, që ishte shoqëruar mbi ngjarjen, tashmë është ndaluar.
Raportohet se personi që ndodhej deri mbrëmë në ambientet e Drejtorisë së Policisë së Tiranës, shtetasi me iniciale F.Xh., nga Lushnja, është shoqëruar tri ditë më parë bashkë me të vëllain.
Ky i fundit u la i lirë, kurse F.Xh. vijon të qëndrojë në polici, për shkak se nuk ka argumentuar prezencën e tij pranë zonës ku ndodhi ngjarja, para, gjatë dhe pas grabitjes.
