Policia e Korçës ka zbardhur detaje nga ngjarja e djeshme në Korçë, kur djali u arrestua pas leu me benzine dhe tentoi të digjte të gjallë nënën e tij. Shkak i konfliktit ishte refuzimi i nënës për t’i dhënë para.
52¬vjeçarja, Mimoza Sadikllari për shkak të kushteve të vështira ekonomike, nuk ia ka plotësuar kërkesën për para dhe pas një grindjeje të ashpër, 32¬ vjeçari ka shkuar deri në aktin fatal kundër asaj që e ka sjellë në jetë. Teksa i ka vënë flakën dhe është larguar, e moshuara është përpjekur ta shuajë vetë zjarrin në trupin e saj dhe më tej ka kërkuar edhe ndihmën e vajzës së saj, e cila jetonte në një banesë atje pranë. Pas shuarjes së flakëve, ajo u transportua me urgjencë në spital. Sipas mjekëve, e moshuara ka pësuar djegie të shkallës së parë e të dytë dhe ndodhet jashtë rrezikut për jetën. Pasi janë sinjalizuar nga Spitali i Korçës për ngjarjen, Policia e Korçës nisi kërkimet dhe mundi të vërë në pranga 32¬vjeçarin Tushini, i cili tashmë do të akuzohet për “Vrasje për shkak të marrëdhënieve familjare, e mbetur në tentativë”.
Ngjarja
Një 32¬vjeçar nga qyteti i Korçës është arrestuar nga policia, pasi, pas një debati me nënën e tij, e ka spërkatur me benzinë dhe i ka vënë flakën.
Ngjarja e rëndë ka ndodhur në lagjen 8 të qytetit juglindor, në një familje të komunitetit egjiptian. Autori i ngjarjes është Emiljan Tushini, i cili, pas debatit me nënën e tij, Mimoza Sadikllari, 52 vjeçe, i ka hedhur benzinë në trup dhe më pas i ka vënë flakën. Shkak për konfliktin ishte në thelb një debat familjar, ku Tushini, i cili jetonte me nënën dhe njerkun e tij, ka debatuar ashpër me të ëmën dhe në grindje e sipër ka tentuar ta djegë për së gjalli.