18 Shkurti është vetëm pesë ditë larg dhe seanca parlamentare e ardhshme është e fundit para protestës së opozitës. Për këtë arsye Partia Socialiste ka mbledhur sot grupin e saj parlamentar.
Kreu i grupit parlamentar Gramoz Ruçi mësohet t’i ketë porositur deputët e PS-së që të mos bien pre e provokimeve ditën e enjte në Kuvend.
“Duhet të bëjmë kujdes ditën e enjte gjatë seancës. Deputetët tanë nuk duhet të bien pre e provokimeve nga ana e opozitës. Përmbajuni rendit të ditës. Ata do ta kthejnë situatën në funksion të protestës së 18 shkurtit, ndaj kini kujdes”, mësohet të ketë porositur Ruçi deputetët e PS-së.
