Një ngjarje e rëndë ka ndodhur në qytetin e Korçës, ku një 32-vjeçar ka tentuar të vrasë nënën e tij madje duke kryer një veprim horror.
Sipas policisë, Emiljan Tushini spërkati me benzinë mamanë e tij dhe i vendosi flakën. Kanë qenë banorët e tjerë të pallatit që dëgjuan të bërtiturat dhe njoftuan policinë.
Ngjarja ndodhi në banesën e familjes në lagjen nr.8 të qytetit. Autori u largua nga banesa, por u arrestua brenda pak minutave.
Ndërkohë, mamaja e tij, 52-vjeçarja M.Tushini ka pësuar djegie trupore dhe është dërguar në spital për mjekim.
Emiljan Tushini ka qenë i dënuar më parë për vjedhje dhe plagosje të lehtë me dashje. Tani ai akuzohet për vrasje për shkak të marrëdhënieve familjare e mbetur në tentativë.
