Policia e Elbasanit ka arrestuar një 43-vjeçar nga Belshi, Lulëzim Kasën, i cili, duke drejtuar makinën i dehur, ka përplasur tre vajza që udhëtonin me një makinë.
Vetë Kasa dhe dy nga tre vajzat ndodhen në spital jashtë rrezikut për jetën.
Policia e Elbasanit sqaroi se “Kasa ishte duke drejtuar një “KIA” me targa AA 052 BF në aksin rrugor Cërrik – Belësh në gjëndje të dehur kur është përplasur me një veturë me targa AA 825 FZ drejtuar nga K.B, 21 vjeçe banuese në Belsh.
Si pasojë është aksidentuar Kasa si dhe pasagjeret e 21-vjeçares: B.T, 22 vjeçe dhe A.B, 18 vjeçe.
Të tre janë dërguar në Spital dhe ndodhen nën kujdesin e mjekëve jashtë rrezikut për jetën.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor” dhe “Drejtimi i automjetit në gjëndje të dehur” parashikuar nga nenet 290 dhe 291 të Kodit Penal
