Vëllai i presidentit Bujar Nishani, është larguar nga detyra e zv.prokurorit të Durrësit me urdhër të Prokurorit të Përgjithshëm, Adriatik Llalla. Madje struktura që drejtonte Sokol Nishani, është shkrirë, sipas raportimit të Panorama. Vëllai i Bujar Nishanit rezulton të jetë prokuror i thjeshtë, pasi Prokurori i Durrësit, Agron Gjana firmosi urdhërin për të shkrirë strukturën që drejtonte zëvëndësi i tij.
Lëvizja që prek vëllain e presidentit, vjen pas një takimi që Adriatik Llalla pati me Bujar Nihshanin në kulmin e përplasjes me ambasadorin Donald Lu. Prokurori i Përgjithshëm raportoi tek presidenti shantazhet dhe presionet që ka pasur nga ambasadori amerikan nder vite. Ndoshta Llalla priste që Bujar Nishani t’i dilte në krah, në konfliktin me ambasadorin amerikan, njësoj siç bëri kreu i Kuvendit, Ilir Meta.
