Një person, i punësuar si kujdestar në një qendër për strehimin e azilkërkuesve në Essen, Gjermani ka përdhunuar azilkërkuesen nga Shqipëria, të strehuar aty.
Gjykata e Landit i ka deklaruar atij një dënim prej katër vjetësh burg, shkruan bild.de
Anëtarët e trupit gjykues kanë qenë të sigurt në një pikë: i gjykuari në fjalë, një njeri me familje dhe me fëmijë e ka shfrytëzuar gjendjen e dehur të shqiptares 24-vjeçare për ta përdhunuar atë me gjakftohtësi, transmeton albinfo.ch.
Fillimisht ata të dy qenë marrë vesh që të shkonin së bashku në “Blind-Date-Festival” në Gelsenkirchen. Në makinë gjatë rrugës, Selina (emri i shqiptares) bashkë me një kujdestare tjetër të “heim”-it kishte filluar të pinte vodka.
Mirëpo vazhdimi i asaj nate ishte i tmerrshëm për shqiptaren. Në vend se ta kthente në shtëpinë e azilit, ashtu siç kishin rënë dakord, ai e dërgoi atë në banesën e tij.
Selinës nuk i kujtohen të gjitha detajet e asaj çfarë ka ndodhur atë natë.
Por, përfundimi i trupit gjykues është i prerë: “I akuzuari ka shfrytëzuar paaftësinë e gruas për të rezistuar dhe ka kryer marrëdhënie seksuale me të.
