Një mision pastrimi me anë të një roboti që vepronte nga distanca në centralin bërthamor japonez të Fukushimës, ka dështuar.
Zyrtarët kanë frikë se mund të humbasin plotësisht kontrollin e centralit, të prekur nga nivele të papritur dhe të larta të rrezatimit.
Roboti i pajisur me një pompë uji me presion të lartë dhe një aparat të projektuar për të përballuar rreze të larta ekspozimi nuklear, u nxorr jashtë reaktorit joaktiv në kompleksin bërthamor këtë javë.
Pajisja thuhet se u prish vetëm dy orë pasi hyri brenda centralit dhe filloi pastrimin, shkruan “ Japan Times”.
