Deputetja demokrate Eleni Qirici vizitoi familjen e Adriateke Muços në fshatin Trebinjë të Pogradecit.
42-vjeçarja Muço, ka treguar se vuan nga një sëmundje e rëndë siç është tromboza, dhe për këtë shkak nuk mund të ecë pasi mjekët i kanë prerë të dyja këmbët.
Me lot në sy ajo ka rrëfyer se edhe pse është në një gjendje të rëndë shëndetësore shteti nuk i ka dhënë kemp, me pretendimin se gruaja ka vetëm 1 vit sigurime.
Edhe pse Adriatikja thotë se ka punuar 8 vjet, asaj vetëm 1 vit i janë paguar sigurimet shoqërore.
42-vjeçarja ka treguar se është në një gjendje të vështirë financiare dhe nuk ka para për të blerë ilaçet.
Deputetja demokrate i ka premtuar të sëmurës se do të ndjekë të gjitha rrugët ligjore në mënyrë që 52 vjeçarja të marrë ndihmë që i takon.
Pas takimit, deputetja Qirici ka nisur kontaktet me të gjitha institucionet dhe pritet që javën e ardhshme të sëmurës ti jete dhe ndihma ekonomike.
Adriatikja ka dhe një vajzë gjimnaziste, e cila është personi që merret me kujdesin shëndetësor të nënës së saj.
