Hyrja e Tiranës u bllokua mesditën e kësaj të shtune, në aksin rrugor pranë vendit të quajtur “Casa Italia”. Nga trafiku i rënduar ky aks u bë totalisht i pakalueshëm.
CityNews raporton se makinat thuajse nuk lëvizin fare, ndërkohë që në trafik kanë mbetur edhe ambulancat apo zjarrfikëset. Trafiku prej disa kilometrash në këtë zonë ka bllokuar edhe makinat që vijnë nga Kamza.
Situata u krijua edhe pse kryebashkiaku Erion Veliaj, propagandoi në media se hapja e Unazës së Vogël do të çlironte trafikun në kryeqytet, por siç shihet nga fotot, edhe pse ditë e shtunë, hyrja për në Tiranë u bë thuajse e pamundur.
