Pronari shqiptar i një lokali në Itali është marrë peng në Castelli nga tre bashkatdhetarë, raportojnë mediat italiane.
Karabinierët kontrolluan një shtëpi në periferi, ku mbahej shqiptari prej tre ditësh dhe kanë arritur ta lirojnë.
Mësohet se shkak i pengmarrjes ishte një borxh prej 13.000 eurosh që ai u detyrohej autorëve.
Mediat italiane raportojnë se shqiptari, identiteti i të cilit nuk bëhet i ditur, vuan nga diabeti dhe i është nënshtruar një trajtimi mjekësor.
Tre shqiptarët pengmarrës, autorët, tashmë janë në burg ndërsa një i katër është në kërkim, pasi dyshohet si bashkëpunëtor në krim.
