Një grabitje me armë ka ndodhur mbrëmjen e sotme në Tiranë. Dy persona të maskuar dhe të armatosur kanë marrë lekët e xhiros në një supermarket. Mësohet se ata janë afruar te marketi me biçikletë.
“Më datë 10.02.2017, te rruga “5 Maji”, në një market të kësaj zone , 2 persona, dyshohen se në presionin e një arme (pistolete), kanë marrë xhiron ditore. Shërbimet e policisë, kanë kaluar në kontroll territori dhe ka ngritur pika kontrolli. Po punohet për kapjen e autorëve”, thuhet në njoftimin e shkurtër të policisë.
Autorët pasi kanë grabitur lekët janë larguar sërish me biçikletë.
