Guardia di Finanza e Barit ka ndaluar një ton kanabis që po dërgohej me një gomone drejt brigjeve italiane pasi ishte nisur nga Shqipëria pasditen e djeshme.
Gomonia që u sekuestrua ishte 8 metra e gjatë. Ajo drejtohej nga dy shtetas shqiptarë me inicialet A.Dh. 51 vjeç dhe E. A. 25 vjeç, që u arrestuan nga Reparti Operativ Aerodetar i Guardia di Finanza i Barit me mbështetjen e avionit të agjencisë Frontex.
Policia e Shtetit tha se kishte sinjalizuar policinë italiane dhe se operacioni që u zhvillua në bashkëpunim me Guardia di Finanza bëri të mundur heqjen nga qarkullimi të më shumë se 1 ton lënde narkotike.
Tani kanë nisur hetimet nga të dy vendet per kapjen e autorëve të tjerë të përfshirë në trafikun e lëndëve narkotike.
