Paketa e Ramës me 1 miliard dollarë investime është sulmuar sot në Kuvend nga ish-Kryeministri Berisha, i cili këshilloi bankat që të mos bëhen pjesë e këtij projeti, që sipas tij është thjesht për të pastruar paratë e drogës.
“Ju bëj thirrje bankave që të mos lajnë paratë e drogës, të mos bëhen pjesë e një projekti kriminal. Bankave iu bën thirrje të ruajnë dinjitetin e tyre. Nuk ka mazhorancë tjetër që do e njohë këtë borxh”, u shpreh Berisha.
Kryeministri Rama e lançoi pak ditë më parë këtë paketë, që parashikon investime në infrastrukturë, arsim dhe shëndetësi përmes partneritetit publik-privat.
