Pas publikimit të aferave dhe drekës me kryebashkiakun e Tiranës, mesa duket kreu i komanduar të Prokurorisë së Tiranës, Petrit Fushaj, ka vendosur të hakmerret ndaj medias.
Kështu shkruan në profilin e tij në Facebook, gazetari i kronikës së ABCNews, Flamur Vezaj.
Sipas gazetarit, ditën e sotme, Fushaj ka lëshuar një urdhër që ndalon gazetarët të hyjnë në ambientet e Prokurorisë së Tiranës.
Ja çfarë shkruan Flamur Vezaj në Facebook:
“Me urdhër të shefit të komanduar të Prokurorisë së Tiranës P.Fusha i njohur edhe si shok i drekës së rastësishme me Lali Erin, gazetarëve i është mbyllur dera e institucionit!
“Asnjë gazetar brenda në prokurori! Asnjë fjalë me gazetarët! Kush ka punë, t’i takoj jashtë në kafe! Kush takon gazetarët në institucion do procedohet” – ka thënë shefi e shoku Lali Erit në mbledhjen me prokurorët!
Siç duket frika nga transparenca këta njerëz i përndjek!!!
Ky urdhër që shikoni në foto, është arsyetuar me ligjin e ri (por që me ligjin e ri, ky shefi nuk mund ti kërkojë llogari apo të ndikojë në vendimmarrjen e prokurorëve)! Ligji i ri thotë shumë gjëra që shoku i drekës së Lali Erit nuk i respekton!
Por pavarësisht këtyre urdhrave, LAJMET dhe PALIGJSHMËRIT ne do i marrim vesh!
#te_fala_Vetingut#
#suksese_ne_jete#”
