Nga Ilirjan Blloshmi
Jam i detyruar të të përgjigjem, ndoshta asnjë media nuk do e botoje këtë status (ashtu siç bëri me tendin), helbete nuk jemi VIP-a ne, ashtu si ju.
Pak a shumë në stusin tënd kishe thënë që ne që “shame” Driteroin qenkemi karkaleca. Arsyeja është se ty nuk te paskan pëlqyer, komentet që ne “karkalecat” paskemi thene për të. Fjala vjen unë për ty jam “karkalec” sepse tregova një histori familjare. Ku babai yt i tha time gjyshje se yt biri, nuk do lopën, macen, pulën, punën socialiste, nënë parti me shokun Enver në krye. Ai do Frojdin, Kamyne, Danten, Balzac, etj etj. Pas kësaj im xhaxha (Vilson Blloshmi), dhe im kushëri (Genc Leka), u pushkatuan. Të dy ata që bënë pretencën e poezive të Vilson Blloshmit dhe Genc Lekës, janë çuar më firme të Dritero Agollit. Mund ti pyes gjallë i ke.
Besoj kur ke thënë “karkaleca” për ne që nuk e “donim” Agollin, e ke fjalën dhe për Fatos Lubonjën, fundja ai sistem i burgosi babai Todi Lubonja, ai sistem burgosi dramaturgun Minush Jero. U internua Kujtim Spahivogli, regjisori Mihallaq Luarasi sëbashku me të shoqen, të supertalentuarën Edi
Luarasi dhe qindra raste të tjera. Apo kur u burgos Edison Gjergo, për një pikturë me partizanë që rrinin rreth zjarrit në një mëngjes acari, që më pas u bojatis dhe u shqye. S’po flas për poetët e pushkatuar, për poetët apo shkrimtarët e shtypur dhe të tredhur në heshtje, për intelektualët, që më pas u përzunë si zgjebe nga Shqipëria.
Kur babi jot pinte raki dhe i shkruante nënës parti. Triflon Xhagjika pushkatoheshe, nga nëna parti. Me vone yt baba do e quante “armik të klasës”, në një fjalim në Elbasan. Personazhet e krijuara nga yt baba kanë marrë në qafë shumë njerëz. Besoj se dhe familjarët e Sali Protopapes, janë “karkalecs”, se fundja kurrë nuk e kanë dashur babin tënd. E di pse? Ja ta them unë. Sepse babai jot krijoj një personazh për ti rënë në sy nënës parti. Por mori në qafë një fis të tërë. Ata “karkalecat” e Protopapajve nuk kanë sesi ta duan babin tënd. Pra ne na vjen keq për humbjen e Driteroj si person, fundja është njeri. Por në nuk na vjen keq për humbjen e Driteroit si shkrimtar, poet, publicist etj etj.
Me respekt “një karkalec”, që shkroi kundra Agollit si shkrimtar dhe jo kundër Driteroit si njeri.
