Vrasësi i tmerrshëm serial nga Xhenova e Italisë rikthehet në sallën e gjyqit për të mbrojtur veten edhe një herë për akuzat e vrasjes, pas dymbëdhjetë viteve të dënimit të fundit përfundimtar.
Maurizio Minghella, killeri i cili në Pavia është duke vuajtur dënimin e dhënë nga gjykata në total me 131 vjet burg, do të përgjigjet për krimin e tetë të kryer në mes viteve 1978 dhe 2001, i katërti në zonën e Torineses. Dhe, edhe në këtë rast, si në të gjitha të mëparshmet, viktima është një prostitutë. Ajo është Floreta Islami, një shqiptare e lindur në Vlorë në vitin 1969, e cila u gjet e vdekur më 14 Shkurt 1998, në fushat e Rivolit. Viktima e cila ishte 29 vjeçe, u mbyt me një shall në Tornino, 19 vite më parë (14 shkurt 1998). Shtatëmbëdhjetë vjet pas krimit u zbulua ADN e autorit, Minghella.
Zbulimi erdhi pasi në pambukun e shallit u gjet mbetje biologjike të Minghellas dhe kjo u zbulua nga analizat mjekoligjore që çuan në identifikimin e profilit gjenetik të vrasësit që rezultoi se ishte Minghella. Vrasësi serial frekuentonte zonën e Rivolit në Torino ku dilnin prostitutat në rrugë dhe hetuesit në Torino kanë zbuluar deri tani se ai ka vrarë tre prostituta.
Hetimi për vrasje, u arkivua për herë të parë në vitin 1998, një i dytë në vitin 2004, dhe është rihapur në vitin 2014. Në muajt e fundit prokurori Roberto Sparagna ka ngritur aktakuzën kundër vrasësit serial xhenovez