Deputeti i Partisë Socialiste, Ulsi Manja thotë se procesi i Vettingut do të zgjasë përreth 5 vite dhe është një proces i përkohshëm.
Ai sqaron në “Tonight Ilva Tare” në Rtv Ora News, edhe hapat që do të ndiqen mëtejshëm.
Pjesë nga biseda:
Manja: Nuk besoj se ka arsye për ta paragjykuar procesin. Ky vend ka kapacitetet dhe burimet njerëzore për institucionet e reja që do të krijohen. Fakti që ka kandidatura që me gjithë kriteret e forta janë bërë pjesë e kësaj gare tregon se nuk kemi gabuar. Vettingu është masë e përkohshme. 5 vjet do të funksionojë Komisioni i pavarur i Kualifikimit dhe komisionai publik dhe 9 vjet Kolegji i Apelimit.
Pas Vettingut, këto detyra do t’i marrin institucionet kushtetuese, që është Këshilli i Lartë i Prokurorisë dhe i Prokurorisë dhe Prokuroria e Posaçme që do të luaj rolin e komisionierit publik. Vettingu është bërë si masë paraprake për të bërë skanimin. Vettingu ka tre komponentë, pasurinë, figurën dhe aftësitë profesionale. Vettingu ka filluar si proces me dorëzimin e deklaratave të pasurisë në ILKDP dhe formularët e figurës pranë DSIK-së. Këto dy organe kanë në dispozicion 180 ditë për të bërë verifikimet e duhura. Nuk janë vendimmarrëse. Vendimmarrjen e Vettingut e kanë Komisioni i Pavarur i Kualifikimit dhe Komisioni i Apelimit.
Gjata: ILDKP ka ekzistuar dhe këta gjyqtarë kanë vite që bëjnë deklarimin. Pse ILDKP nuk i ka kapur deri më tani shkeljet dhe pse do t’i kapët tani?!
Manja: Nuk do të jenë vetëm hulumtime dhe kontrolle vetëm brenda Shqipërisë. Prania e vëzhguesve ndërkombëtarë të mbështetur edhe nga institucionet shqiptare do të mundësojnë një kontroll më të gjerë edhe përtej territorit të Shqipërisë.
