Një masiv shkëmbor është shkëputur nga shpati i malit mëngjesin e sotëm në aksin Bajram Curri-Valbonë.
Si pasojë e bllokimit të rrugës, fëmijët kanë mbetur pa shkollë dhe të rriturit për të vajtur në vendet e punës.
Bëhet me dije nga banorë të zonës se aktualisht masivi është larguar nga aksi. Ata shtojnë se ndihen të rrezikuar nga kalimi në këtë rrugë, pasi shkëputja e masivit malor nuk është një fenomen i rrallë.