Klubi i Real Madridit vijon të shtojë të ardhurat e tij. Presidenti i klubit madrilen, Florentino Perez ka arritur një akord për shitjen e të drejtave të imazhit të klubit ne internet te kompania amerikane “Providence Equity Partners” për 10 vitet e ardhshme.
Reali i Madridit i shiti këto të drejta për një shifër prej 500 milionë Euro. “Providence Equity Partners” zotëron 1/4 e Soccer United Marketing dhe të drejtat ekskluzive të Major League Soccer.
Sipas të dhënave të ComScore, të publikuara në dhjetor të vitit 2016, faqja zyrtare e internetit e Realit të Madridit është më e vizituara në botë e këtij lloji, ku numri i përdoruesve arrin deri në 1.3 milionë persona.
Bisedimet për këtë transaksion mes palëve u kryen prej javës nëpërmjet kompanisë së investimeve “Key Capital Partners”.
