Mbrëmjen e sotme një person mbeti i plagosur me armë zjarri pranë bashkisë në qytetin e Laçit.
Mësohet se i plagosuri është në gjendje të rëndë dhe po transportohet drejt Tiranës.
Ndërsa në njoftimin e saj policia bën me dije se i plagosuri është 28 vjeçar me iniciale L.R dhe vinte nga Tirana.
NJOFTIMI I POLICISE
“Me datë 07.02.2017, është marrë njoftim se në Laç në qytet , ka ndodhur një plagosje me armë zjarri.
Menjëherë në vendngjarje kanë mbërritur shërbimet policore që kanë konstatuar se është plagosur me armë zjarri shtetasi L.R. 28 vjeç banues në Tiranë i cili është dërguar në spitalin e Traumes, Tiranë për kujdesin e nevojshëm mjekësor .
Grupi hetimor në vendngjarje po punon për sqarimin e rrethanave të ngjarjes si dhe po heton për identifikimin e autorit/ve.
Janë ngritur pika kontrolli si dhe po bëhet krehja e zonës me qëllim kapjen e tyre.
