Interpol Athina ka kërkuar përsëri arrestimin e Kelmend Balilit, të cilin e akuzon për trafik ndërkombëtar të lëndëve narkotike.
Në relacionin 30 janarit 2017 thuhet se Kelmend Balili ka trafikuar 83 kg kokainë dhe 3.8 ton kanabis sativam, raporton Report tv.
Sipas autoriteteve greke, kanabisi është nisur nga Shqipëria dhe ka hyrë në Greqi, e më pas prej këtej është trafikuar në Angli, Hollandë, Belgjikë dhe vende të tjera të BE.
Dyshohet se Balili ka lidhje edhe me trafikantë të huaj, dhe kjo për shkak të trafikut të kokainës që dyshohet se blihej nga Amerika Latine dhe trafikohej në vendet e Evropës.
