Refuzimi i Shkëlzen Berishës për t’u betuar në komisionin hetimor parlamentar për çështjen “CEZ” është kthyer në temë diskutimi edhe për vet çiftin Berisha-Mevlani.
Në videon e mëposhtme shfaqen Armina Mevlani dhe Shkëlzen Berisha, në makinë, ku diskutojnë për këtë çështje, duke ironizuar socialistin Taulant Balla, para të cilit djali i ish-kryeministrit refuzoi të betohej mbledhjen e shkuar, pasi tha se ka konflikt interesi me të.
Armina Mevlani: Përshëndetje nga komisioni hetimor, këtu kam Shkëlzen Berishën. Do ta bëni betimin?
Shkëlzen Berisha: Vetëm nëse del nga makina.
Armina Mevlani: Po ti sikur para meje do ta bëje?
Shkëlzen Berisha: Kam ndryshuar taktikë.
Berisha refuzoi të betohej përpara Taulant Ballës, pasi ky i fundit është i dënuar për shpifje ndaj djalit të ish-Kryeministrit.
Për Shkëlzen Berishën, i vetmi kusht që të kryente betimin ishte që drejtimin e komisionit ta merrte një deputet tjetër.
