Bersant Celina është përplasur me tifozët e skuadrës së tij, Tuentes, për arsyen se këta të fundit kanë hapur në tribuna një parullë ku shkruhej “Kosova është Serbi”.
Futbollisti, i cili ishte gjithashtu në tribunë meqë u ndëshkua me karton të kuq në ndeshjen e mëparshme, ka reaguar ndaj tifozëve që shpalosën këtë parullë para fillimit të takimit.
Babai i futbollistit, Edvar Celina, ka treguar për mediat kosovare se si kanë rrjedhur ngjarjet. “Ai është përleshur me tifozët para lojës dhe e ka lënduar gishtin. Ka shkuar tek ata dhe ka kërkuar ta largojnë banerin. Si duket ata paskan bashkëpunim me tifozët e Crvena Zvezdës së Beogradit”, shpjegoi babai i futbollistit.
Kosova eshte Serbi ne Holande by PanoramaVideo
Celina postoi në rrjetet sociale edhe një video të momentit kur u hoq kjo parullë nga stadiumi. Ndërsa klubi i Tuentes bëri të ditur se kishte nisur një hetim për ngjarjen. “Kjo është një parullë që nuk i përket një stadiumi futbolli”, shkruhej në njoftimin e klubit holandez.
