Një sasi e madhe droge me origjinë nga Shqipëria është kapur nga autoritetet greke dhe italiane. Ngarkesa e lëndës narkotike po transportohej me skaf kur u zbulua nga rojet kufitare greke dhe ato italiane.
Siç bëjnë me dije mediat greke, 3 personat që ndodheshin në skaf hodhën në det pakot me kanabis sativa.
Autoritetet greke dhe ato italiane mblodhën 122 pako të mbushura me kanabis sativa që ishin hedhur në det. Nga peshimi rezultoi se bëhet fjalë për një ngarkesë prej 2 ton drogë. Sa i përket autorëve, ata mundën të arratiseshin dhe janë fshehur në Shqipëri.
Droga u zbulua fillimisht nga Guarda di Finanza, por trafikantët manovruan për t’u shmangur dhe iu afruan bregdetit grek. Ndërkohë policia shqiptare nuk ka bërë të ditur se sa kg drogë janë gjetur nga ky aksion policor.
