Një qytetar i ka treguar vendin ministrit të Financave Arben Ahmetaj që raportin kritik të Standard and Poor’s e ka lexuar si sukses.
Ahmetaj i shkëputur nga realitetit ka lexuar ashtu siç di ai, raportin e fundit të Standard&Poors për ekonominë shqiptare që e paralajmëron qeverinë për nivelin e lartë të kredive të këqija (mbi 20%) të cilat mund të rrezikojnë stabilitetin financiar.
Kjo sa i takon asaj që thotë raporti se për Arben Ahmetajn “Standard and Poor’s, agjencia prestigjioze e vlerësimit të ekonomive në të gjithë botën, ka rikonfirmuar vlerësimin e saj B+ për ekonominë shqiptare, ndërsa parashikimi mbetet pozitiv”.
Në çmendurinë e tij, Arben Ahmetaj beson se “S&P vlerëson se ekonomia shqiptare ka performuar më mirë se vendet e tjera që i përkasin të njëjtës kategori B+, duke vecuar arritjet në drejtim të konsolidimit fiskal, falë edhe programit të suksesshëm me FMN dhe ndërmarrjen e reformave institucionale për të rikthyer sundimin e ligjit, luftuar informalitetin dhe përmirësuar klimën e biznesit”.
Ahmetaj e mbyll reagimin e tij duke shkruar se “Nga ana tjetër S&P parashikon konsolidimin dhe përshpejtimin e rritjes ekonomike në periudhën në vijim, bazuar në forcimin e kërkesës së brendshme, si rezultat i rritjes së konsumit dhe investimeve private.Një tjetër sinjal pozitiv dhe inkurajues që rikonfirmon besimin se ekonomia shqiptare po ecën bindshëm në drejtimin e duhur! #rritjereale#zhvillimekonomik”, dhe më pas ra përsëri të flerë në krevatin e sështunës.
Por nuk ka munguar edhe komenti i qytetarëve që e përgënjeshtrojnë delirin e Ahmetaj. Xhevahir Qazimi një qytetar, ka komentuar kështu në rrjetin social të ministrit të Financave “per cfare rritje me flet zoterote, kur familja ime me ardhjen e rilindjes i ka te ardhurat mujore zero leke, ku qeveria jote nuk te jep as edhe ndihme sociale me preteksin se ke tv ne shtepi. Ik ,ik ik ti kryeministri yt, e rilindja juaj se na e shpifet”.
