Spikeri i lajmeve dhe prezantuesi Isli Islami mesa duket ka nisur një tjetër “aventurë” në Top Channel. Islami, moderator i “Wake up”, ka konkuruar në talent show-n “The Voice of Albania”.
Ishin pikërisht kolegët e tij Ledion Liço dhe Eno Popi, të cilët kanë postuar një foto të Islit teksa këndon për 4 mentorët e “The Voice”. Isli këndoi në audicionet e fshehura një këngë të Alban Skënderajt, i cili është mentor i “The Voice”.
Të katërt mentorët e “The Voice” janë kthyer për Islin.
Këtë moment do keni mundësi ta shihni nesër në “Wake up” si dhe në orën 21:00 gjatë transmetimit të puntatës së dytë të spektaklit.
