E përjavshmja gjermane “Der Spiegel”, ka publikuar një faqe të parë provokuese lidhur me vendimin më të fundit të presidentit amerikan, Donald Trump për t’u ndaluar hyrjen në SHBA shtetasve nga disa vendeve të huaja me shumicë myslimane.
Titulli është “Amerika e Para”, që shoqërohet me një grafik ku Trump mban në duar kokën e prerë të Statujës së Lirisë dhe një thikë me gjak.
Ndalimi i emigrantëve nga Trump ka marrë shumë kritika dhe protesta në të gjithë Amerikën. Vendimi i administratës së tij përfshin ndalimin edhe për ata që mbajnë Green Card.
Kancelarja gjermane, Angela Merkel duke komentuar këtë vendin është shprehur se, lufta kundër terrorizmit nuk justifikon masa të tilla.
Kjo nuk është hera e parë që “Der Spiegel” provokon me presidentin amerikan, pasi janarin e kaluar, revista kishte në faqe të parë Trump me flamurin amerikan në flakë nga pas.
