Fundjava u shoqërua me informacione kontradiktore, që herë ministri i Drejtësisë Ylli Manjani ishte shkarkuar, e më pas ky shkarkim “u gris” nga Rama.
Më pas u dha lajmi se Manjani kishte dhënë dorëheqjen. Por vetë ministri pak pas mesnate ka shkruar në profilin e tij në Facebook se ishte në detyrë dhe nuk kishte ndërmend që të jepte dorëheqjen.
Duke thënë se nuk do të shkarkohej.
Mesa duket mëngjesi i sotëm e ka gjetur Ylli Manjanin në zyrën e tij të ministrit të Drejtësisë.
Burime nga ky institucion thanë se, Manjani ka ardhur si çdo ditë në orën 08:00 në zyrë për të vazhduar punën e zakonshme, ndërsa para 30 minutash ai duhej që të dilte në një konferencë për median, por që është anuluar për arsye shëndetësore, raporton Syri.net.
