Me urdhërin e presidentit amerikan Donald Tramp për ndalesë për hyrje në SHBA të shtetasve të shtatë vendeve myslimane, nuk janë përfshirë shtete të cilat mund të paraqesin rrezik nga aspekti terrorist, por në të cilat ai ka biznese të veta, shkruan “Independent”.
“Shtatë vendet myslimane dominuese, shtetasve të të cilave u është ndaluar hyrja (në SHBA), kanë një gjë të përbashkët kryesore – ato nuk janë në mesin e shteteve në të cilat punojnë tajkunët”, thekson gazeta.
Me urdhrin ekzekutiv të Trampit ndalohet lëshimi i vizave hyrëse amerikane për shtetasit e Irakut, Iranit, Jemenit, Libisë, Sudanit dhe Somalisë për periudhë prej 90 ditëve dhe për qytetarët e Sirisë për një periudhë të pacaktuar. Sipas Uashingtonit, qëllimi i vendimit të tillë është të zvogëlohen kanosjet e terroristëve radikal islamist.
Sipas “Independent”, burime të kësaj kanosje mund të paraqesin edhe vendet e pasura myslimane në të cilat korporatat e Trampit kanë biznes interesa, si Arabia Saudite, Libani, Turqia, Emiratet e Bashkuara Arabe, Egjipti dhe Indonezia, por ato u gjetën në “listën e zezë” të SHBA-së.
“Siç duket biznesi po vijon sipas praktikës së vendosur kur janë në pyetje Tramp dhe sauditët”, thekson gazeta londineze, duke potencuar se presidenti amerikan dje përmes telefonit ka biseduar me mbretin saudit, ndërsa në të njëjtën kohë u mbajtën protesta kundër ndalesës në të cilat morën pjesë qindra mijëra persona.
“Independet” shton se me dekretin e Trampit nuk përmendet Turqia, edhe pse vendi para ca kohësh ishte cak i disa sulmeve terroriste, ndërsa Departamenti shtetëror javën e kaluar dha paralajmërim deri te shtetasit amerikan në këtë vend të jenë të kujdesshëm për shkak të “rritjes së retorikës antimarikane e cila mund të inspirojë individë të kryejnë sulme ndaj qytetarëve të SHBA-së”.
Tramp ka disa biznes interese në Turqi, duke i përfshirë edhe një zinxhir sallonesh për mobilie në dy kulla banesore, prej të cilave ka përpunim prej gjashtë milionë funtash në vit, shton gazeta.
Me ndalesën nuk është përfshirë edhe një aleat i SHBA-së, Emiratet e Bashkuara Arabe (EBA), ku Tramp posedon vila luksoze, spa qendra dhe terrene të golfit. Me ndalesën gjithashtu nuk është përfshirë as Indonezia, ku Trampi ndërton dy komplekse hotelierike luksoze në partneritet me kompanitë lokale, thekson gazeta londineze.
“Tramp deklaroi se cak i urdhrit të tij ekzekutues është të parandalohen terroristët të hyjnë në SHBA, por asnjë prej ekzekutuesve të sulmeve në territorin amerikan në katër dekadat e fundit nuk vjen prej ndonjërës prej këtyre shtatë vendeve relativisht të varfra, qytetarëve të së cilëve u është ndaluar hyrja, shton “Independent”.
Gazeta përkujton se asnjë prej 19-të autorëve të sulmeve të 11 shtatorit 2001 nuk vjen prej ndonjërit prej shtatë vendeve të sanksionuara, por se 15 prej tyre kanë qenë shtetas të Arabisë Saudite, ndërsa të tjerët të EBA, Libanit dhe Egjiptit.
