Jens Stoltenberg, Sekretar i Përgjithshëm i NATO-s, pritet të zhvillojë një vizitë në Kosovë më 3 Shkurt.
Zyrtari i lartë pritet të takohet me presidentin Hashim Thaçi dhe kryeministrin Isa Mustafa, si dhe do të vizitojë trupat e KFOR-it.
Vizita e Stoltenberg vjen pas tensioneve të fundit ndërmjet Kosovës dhe Serbisë.
Raportet ndërmjet Kosovës dhe Serbisë kanë pësuar një krisje të madhe javët e fundit pasi një tren serb i nisur nga Beogradi, me mbishkrime nacionaliste “Kosova është Serbi”, nuk u lejua të futej në Mitrovicë.
