Një automjet është hedhur në erë me lëndë plasëse në orët e para të mëngjesit të kësaj të diele në qytetin e Vlorës.
Mjeti i shpërthyer është i tipit “Audi Q7” dhe i përket personit të identifikuar si Flamur Lamaj Peçaj, 46 vjeç, një emër i njohur për policinë, pasi rezulton me precendentë të mëparshëm penalë.
Mësohet se lënda plasëse ishte vënë poshtë makinës së vlonjatit, e cila ka shpërthyer dhe ka marrë flakë, rreth orës 03:00 në lagjen “Pavarësia” të qytetit bregdetar.
Nga shpërthimi i fuqishëm ka patur dëme materiale, pasi disa automjete aty pranë janë dëmtuar po ashtu. Shpërthimi ka hapur edhe një gropë rreth 2.5 cm të thellë në tokë.
Burime nga policia kanë bërë të ditur se lënda eksplozive nuk ishte e vendosur në makinë, por ishte hedhur pranë saj.
Peçaj në vitin 2012, ai është arrestuar nga policia pasi ka kërcënuar dy vëllezër me armë zjarri. Dy vëllezërit janë hakmarrë, duke e dhunuar me sende të forta dhe me qytë armësh. Asokohe Peçaj përfundoi në spital për shkak të plagëve të marra.
Policia po heton për të zbuluar dhe arrestuar autorët e ngjarjes.
