“Fëmijët e ish-anëtarëve të Partisë Komuniste kanë pasur më shumë shanse dhe kanë gëzuar në këto 25 vite vendet më të mira të punës”. Në këtë përfundim ka dalë analiza e Bankës Evropiane për Rindërtim dhe Zhvillim, BERZH mbi pabarazitë në gjetjen e një vendi pune.
BERZH shton se biografia familjare është faktori më i rëndësishëm në shanset për gjetjen e një vendi të mirë pune.
Po ashtu raporti thekson se në thuajse të gjitha vendet postkomuniste, anëtarësia e prindërve në partinë komuniste luan rol shumë më të rëndësishëm në zënien e një pune të mirë, se të një pune të zakonshme.
“Kjo sugjeron rolin e rëndësishëm që luan përkatësia në këto rrjete përpara periudhës së tranzicionit:, thotë BERZH.
Kurse nga grafiku i BERZH vërehet se është Kosova shteti i cili është përballur më shumë me këtë fenomen në rajonin ballkanik. Pas saj është Shqipëria vendi ku fëmijët e ish komunistëve kanë gëzuar punët më të mira.
Kurse në të njëjtat nivele ky fenomen vërehet në Bosnjë. Teksa vjen duke u ulur në Rumani, Bullgari e Serbi.
