Policia e Korçës ka vënë në pranga një person pasi i kanë sekuestruar lëndë narkotike dhe një armë zjarri.
Në pranga është vënë Gjergji Panolli, 27 vjeç, banues në Korçë, njoftojnë burime zyrtare.
Arrestimi i tij u bë pasi, gjatë kontrollit të ushtruar dje në lokalin që ai kishte në përdorim, iu gjet e bllokua në cilësinë e provës materiale :
– Një armë zjarri pistoletë tip “TT”,
– Një krehër me 2 fishekë, të cilat i zotëronte pa lejen e organeve përkatëse si edhe
– Një sasi prej 13 (trembëdhjetë) doza të dyshuara si lëndë narkotike e llojit Cannabis Sattiva.
Materialet për këtë rast i kaluan Prokurorisë të Rrethit Gjyqësor Korçë, për veprën penale: “Prodhimi dhe mbajtja pa leje e armëve luftarake dhe e municionit” ; “Prodhimi dhe shitja e narkotikëve”
