Ndalimi i Ramush Haradinajt nuk ka dimension politik. Ka qenë kjo përgjigjia që ka marrë kryetari i Komisionit për Politikë të Jashtme i Kuvendit të Kosovës, Elmi Reçica, nga kryetarja e Komisionit për Punë të Jashtme në Asamblenë e Përgjithshme të Francës, Elisabeth Guignou.
Mediat kosovare raportojnë se Elisabeth Guigou, kryetare e Komisionit për Punë të Jashtme të Asamblesë së Përgjithshme të Francës, është përgjigjur përmes komunikimit diplomatik, lidhur me shqetësimin e Kosovës lidhur me ndalimin e Ramush Haradinajt në Francë.
Guigou e ka siguruar Kosovën se ndalimi i Ramush Haradinaj nuk ka asnjë dimension politik.
Kryetari KPJ-së në Kuvendin e Kosovës Elmi Reçices në kërkesën e tij dërguar kryetares Guigou, tha se “Duke qenë thellësisht i bindur në pafajësinë dhe pastërtinë e Ramush Haradinaj lidhur me rolin e tij në Luftën Çlirimtare, mbi këtë bazë presim që të korrigjohet ky gabim dhe besojmë që sa më shpejtë autoritetet e drejtësisë franceze do të nxjerrin një vendim meritor për lirimin e ish Kryeministrit Haradinaj”.
