Ministri holandez i Drejtësisë Ard van der Steur ka dhënë dorëheqjen pas lajmit se i kishte dhënë nje kompensim të majmë një trafikanti të dënuar për drogë.
Largimi i tij konsiderohet si një goditje për qeverinë e kryeministrit Mark Rutte, shkruan “BBC”
Skandali sillet rreth një marrëveshje prej 2 milion eurosh mes disa prokurorëve me një trafikant droge.
Partia e tij e qendrës së djathtë Liberale (VVD)ka pësuar rënie në sondazhet e opinionit para zgjedhjeve të përgjithshme në mars. Ministri është anëtari i tretë i qeverisë që jep dorëheqjen lidhur me skandale te tilla.
