Në fillim të 2017-ës NASA zbuloi një objekt misterioz në skajet e sistemit tonë diellor dhe u raportua se ky objekt nuk përbente rrezik për Tokën.
Por, një astronaut rus thotë se pretendimet nuk janë të vërteta dhe se jo vetëm që do të godasë planetin tonë, por e gjitha kjo është pjesë e shuarjes misterioze të planetit Nibiru.
“Mysterious Universe” raporton se më 16 shkurt një shkëmb hapësinor do të godasë Tokën.
Por, të gjitha këto të dhëna bëhen akoma edhe më çoroditëse nga fakti se nuk ka asnjë të dhënë shkencore se planeti Nibiru ka ekzistuar.
Sakaq Dyomin Damir Zakharovich, thotë se “NASA po gënjen. “Është e papërfytyrueshme që ata nuk e dinë të vërtetën. Ne kemi parë të dhënat”, shprehet ai.
“Objekti që ata e quajnë WF9, la sistemin Nibiru në tetor, kur Nibiru nisi të rrotullohej në krah të kundërt me Diellin. Që prej atëherë, NASA e di se do të godasë Tokën. Por nuk po ua thotë këtë gjë njerëzve.”
Ai shton se ekziston një konspiracion global për të fshehur ekzistencën e Nibiru, orkestruar nga liderët e Rusisë dhe Perëndimit.
“Objekti është më i madh se sa NASA thotë. Nga përllogaritjet tona të parë, i bie të jetë një asteroid me gjatësi 2.2 km që do ta kalojë atmosferën pa u shpërbërë”, pretendon astronauti rus.
Por zyrtarisht NASA thotë se objekti i quajtur “2016 WF9” nuk përbën kërcënim për Tokën.
