Gerti Shella nga shoqëria civile thotë se OSBE-ja e ka tejkaluar rolin e vet diplomatik kur ka deklaruar se nuk ka kohë për futjen e teknologjisë në zgjedhje.
Ai deklaron se roli organizatës duhet riparë në vendin tonë.
Shella: OSBE ka tejkaluar rolin e saj diplomatik në pohimin që nuk ka kohë për të adoptuar ndryshime qoftë për votimin elektronik apo diçka më të sofistikuar. Ajo bie ndesh me perceptimin, nuk po them me përcaktimin ligjor, që ajo është një arbitër. Një arbitër ka rol pasiv dhe nuk mund të jetë aktor në mënyrën se si diskutohet.
Rregullat e lojës elektorale bëhen nga aktorët në Republikën e Shqipërisë dhe jo nga një i tretë dhe si i tillë, ajo ka hyrë në rezervën ligjore të Kuvendit. Duhet të kishte pasur një reagim nga aktorët politikë. Roli i OSBE dhe ODIHR si arbitër i palëve duhet riparë. Shpesh herë ajo e ka lënë veten të përdoret si një alibi për mos veprim. Ajo hedh në tavolinë rekomandime të thata, demode si zgjedhjet patën progres, por kanë probleme.
/Ora News/
