Disa ditë më parë një 29-vjeçare ka humbur jetën, pasi u dogj brenda një ashensori. Duhej të ndodhte kjo ngjarje që qytetarët të ndërgjegjësoheshin dhe të shikonin situatën e ashensorëve në pallatet e tyre.
Ndodhin shumë raste, kur bllokohen brenda ashensorit banorët për defekte nga më të ndryshmit, ka patur edhe raste që kanë humbur jetën, ndërsa pranë JOQ ka ardhur një denoncim për një pallat në Bllok.
Fletëpalosje të shumta që shpërndahen nga të rinj në rrugë dhe në pallate nga kompanitë e ndryshme në Tiranë, janë marrë dhe janë futur në katin e fundëm të ashensorit të pallatit. Imagjinoni një cigare që mund të hidhej aty dhe kaq do të mjaftonte që ato fleta të shkaktonin zjarr.
Pothuajse në çdo pallat ka një administrator që merret me mbarëvajtjen e pallatit dhe për këtë qytetarët i paguajnë jo pak, por mesa duket jo të gjithë e bëjnë punën e tyre. Të tilla pakujdesi mund të kthehen në një tragjedi, ndaj qytetarët kërkojnë që të merren masa.
“Shikoni çfarë ndodh në një ashensor pallati tek Blloku në Tiranë. Është mbushur plot me letrat e reklamave, jepeni që të shohin edhe të tjerët që të mos ndodhin të tjera tragjedi”, thotë një banor i kësaj zone. /joq/
