Ditën e sotme në rrjetet sociale filloi një fushatë për publikimin e fotove të VIP-ave në një kohë kur këta nuk ishin ende të famshëm.
Një nga këto personazhe ishte edhe moderatorja e njohur Floriana Garo, të cilës iu publikua një foto ku shfaqej duke u puthur me ish-banoren e “Big Brother”, Ilda Gega. Kjo foto më pas mori “dhenë” duke u bërë lajm në mjaft media në vend.
Në një kohë kur Ilda u rikthye në qendër të vëmendjes, ajo ka vendosur të reagojë me anë të një statusi në Facebook, ku tregon të vërtetën e fotos.
Sipas saj, fotoja është publikuar qëllimisht nga Floriana me arsyen e vetme për të marrë famë.
Ilda shkruan: “Vajza që kanë nxjerrë në lajme këto ditë në foto me mua ka dekada që mundohet të bëhet personazh publik. Vajza ka qenë një shoqe e imja dhe ndërkohë që isha në emisionin BB vendosi të publikonte foton tonë me qëllimin për të marrë vëmendje dhe për t’u bërë e famshme”.
Sikur të mos mjaftonte kjo, ajo ka ashpërsuar edhe tonet ndaj mikes së saj, duke deklaruar: “Fatkeqësisht e vetmja që mori famë atëherë isha unë, unë që sinqerisht nuk e desha pasi e pashë ç’monstër ishte. Pas 9 vitesh më në fund i erdhi dita edhe asaj të bëjë lajm, por sërish me foton time”.
Në fund, Gega ka kërkuar që të mos bien pre e “personave që duan të bëhen të famshëm” – siç shprehet ajo.
